फागुन १ गते सार्वजनिक बिदा छैन : गृह मन्त्रालय

बाँके, २९ माघ ।


गृह मन्त्रालयले फागुन १ गते निर्धारण गरिएको सार्वजनिक बिदा कायम नरहेको जनाएको छ । मन्त्रालयका सहसचिव एवम् प्रवक्ता नारायणप्रसाद भट्टराईले सोमवार एक सूचना जारी गर्दै सर्वोच्च अदालतको फैसलाका आधारमा मन्त्रिपरिषद्को निर्णयानुसार राजपत्रमा प्रकाशित बिदा कायम नरहेको जानकारी दिए ।
सरकारले जनयुद्ध दिवसका अवसरमा फागुन १ गते सार्वजनिक बिदा दिने घोषणा गरेको थियो । सर्वोच्च अदालतले उक्त दिन सार्वजनिक बिदा नदिन सरकारलाई आदेश दिएको थियो ।
यही माघ २५ गते बसेको मन्त्रिपरिषद्को बैठकले सर्वोच्च अदालतको आदेशअनुसार फागुन १ गते बिदा कायम नगर्ने निर्णय गरेको थियो ।

Previous articleविपत्ति : शक्तिको स्रोत
Next articleप्रेरक प्रसंग : बालबालिकालाई बोल्न दिने कि रोक्ने ?

LEAVE A REPLY

Please enter your comment!
Please enter your name here