निर्धन समुह सदस्यको निःशुल्क स्वास्थ्य परीक्षण : १६ जनामा मोतिविन्दु समस्या

बाँके, २२ भाद्र ।


डा.हरिहरदेव पन्तको आठौँ स्मृती दिवसकोे अवसरमा एक सय २१ जनाको आँखा तथा स्वास्थ्य जाँच गरिएको छ । निर्धन उत्थान सन्जिवनी स्वास्थ्य प्रतिष्ठान कोहलपुरको आयोजनामा भएको एक दिने वृहत निःशुल्क आँखा तथा स्वास्थ्य परीक्षण कार्यक्रममा १६ जनाको आँखामा मोतिविन्दु देखिएको कार्यक्रम निर्देशक जिताराम गौतमले जानकारी दिए ।
नेपाल नेत्र ज्योति संघ, फत्तेवाल आँखा अस्पताल नेपालगन्जको प्राविधिक सहयोग र शाईन रेसुंङ्गा विकास बैंक लिको आर्थिक सहयोगमा संचालन गरिएको स्वास्थ्य परीक्षण कार्यक्रममा फत्तेवाल आँखा अस्पतालका चिकित्सकले आँखा जाँच र डा. देवेन्द्र आचार्यले स्वास्थ्य परीक्षण गरेको गौतमले बताए । मोतिविन्दु भएका विरामीको फत्तेवाल आँखा अस्पतालले ५० प्रतिशत छुट सहितको सहुलियतमा अप्रेशन सेवा प्रदान गर्ने भएको छ ।
यसअघि निर्धन उत्थान सन्जिवनी स्वास्थ्य प्रतिष्ठान कोहलपुरले निर्धन समुह सदस्यको निःशुल्क पाठेघर मुख क्यान्सर जाँच शिविर संचालन गरेको थियो । प्रतिष्ठानका परिकल्पनाका डा.पन्तको स्मरण तथा सम्मानमा आँखा तथा स्वास्थ्य परीक्षण गरिएको उनले बताए ।
वित्तीय सेवाको पहुँच वृद्धि गरेर मात्रै गरिवी न्युनीकरण नहुने विपन्न परिवार स्वास्थ्य उपचार सम्बन्धी खर्चका कारण झनै गरीब हुंदै जाने देखिए पछि डा. पन्तले स्वास्थ्य उपचारमा सबैको पहुँच वृद्धि र समयमै उपचार गराउने बानीकोे विकास गर्न निर्धन उत्थान सन्जिवनी स्वास्थ्य प्रतिष्ठानको अवधारणा ल्याएका थिउ । फलस्वरुप कोहलपुरमा ०७५ सालमा प्रतिष्ठान स्थापना भएको उनले बताए ।
प्रतिष्ठानले पहिले समुदायमा आधारित लघुस्वास्थ्य सुरक्षा कार्यक्रम सन्जिवनी संचालन गरेको थियो । यस कार्यक्रमबाट नेपालमा स्वास्थ्य विमा कार्यक्रम सूरुवात गर्न उल्लेखनिय सहयोग पुर्याएको थियो ।

Previous articleनरैनापुरमा मलेरिया नियन्त्रण कसरी सम्भव भयो ?
Next articleलुम्बिनी प्रदेशले ल्यायो कर्मचारी ऐन, के के छ ब्यवस्था ?

LEAVE A REPLY

Please enter your comment!
Please enter your name here