बाँके, ९ भाद्र ।
खोला र पोखरीमा डुवेर बाँकेमा दुई यूवाको मृत्यू भएको छ । जानकी गाउँपालिका ४ गिजराका २१ वर्षीय किरण बर्माको बेलहनी नालामा डुबेर मृत्यू भएको जिल्ला प्रहरी कार्यालय बाँकेका प्रवक्ता डिएसपी नारायण डाँगीले जानकारी दिए । साथीहरुसँग खोलामा नुहाउन गए बर्मा नालामा बेपत्ता भएका थिए । उनलाई साथीहरुले झण्डै १५ मिनेटपछि पानीबाट निकालेको प्रहरीले जनाएको छ ।
यस्तै पोखरीमा पौडी खेल्ने क्रममा कोहलपुर नगरपालिका १ कौशिलानगरका १७ वर्षिय सुरेश सार्कीको डुवेर मृत्यू भएको छ । बैजनाथ गाउँपालिका ३ एलवी चोकस्थित महेन्द्र तालमा नुहाउन गएका सार्कीको डुवेर मृत्यू भएको डिएसपी डाँगीले बताए । उनीसँगै पौडी खेल्न गएका अन्य दुई जना फरार भएको प्रहरीले जनाएको छ । दुवै घटनाको बारेमा थप अनुसन्धान भइरहेको डाँगीले बताए ।
