एन्फा प्रेसिडेन्ट लिगः सुदूरपश्चिमको ‘स्टार सिटी’ को लगातार दोस्रो जीत

बाँके, ४ चैत


नेपालगन्जमा जारी एन्फा प्रेसिडेन्ट लिग अन्तरगत सुदूरपश्चिमको लिग च्याम्पियन स्टार सिटी युवा क्लब (कैलाली) ले एन्फा प्रेसिडेन्ट लिग–२०७७ मा लगातार दोस्रो जीत निकालेको छ । बुधबार नेपालगन्ज रंगशालामा भएको खेलमा स्टार सिटीले प्रदेश नम्बर १ को च्याम्पियन सैनिक युथ क्लबलाई २–१ ले पराजित गरेको हो ।
स्टारको तर्फबाट कुलदिप कार्कीले पेनाल्टी मार्फत ३८ औँ मिनेटमा गोल गरे । भने सिटीका रुपबहादुर लामाको अर्को गोलले उसलाई २ गोलले अग्रता दिलायो । सैनिकका जिवन गुरुङले ४० औँ मिनेटमा गोल फर्काए । खेलमा म्यान अफ द म्याच सैनिका गोलकिपर एवम कप्तान किशोर गिरि घोषित भए ।
सुदूरपश्चिमको स्टार सिटीले दुई खेल जित्दै ६ अंक जोडेको छ । स्टारले पहिलो खेलमा प्रदेश नं. २ को मनकामना युवा क्लबलाई ३–० ले हराएको थियो ।
स्टार सिटीका प्रशिक्षक ललित चन्दले दोस्रो जीतले टोलीको आत्मविश्वास बलियो बनेको बताए । झापाजस्तो टोलीलाई जित्नु प्रतियोगिताको ठुलो उपलब्धी भएको बताउँदै ललितले भने, ‘झापाको टोलीलाई हराउन पाउँदा हामी खुसी छौं । झापा नेपाली फुटबलकै बलियो टोली हो । एन्फा लिग जित्दै राष्ट्रिय लिग खेल्ने हाम्रो लक्ष्य हो । त्यसमा हामी केन्द्रित भएर खेलिरहेका छौं । टोलीमा सिनियर र युवा खेलाडीको संयुक्त रुपमा मिश्रित टिम छ । यसले हामीलाई प्रतियोगितामा च्याम्पियन बन्न सहयोग गर्ने विश्वास छ।’
झापाका प्रशिक्षक संजय राईले पहिलो रोजाईका खेलाडी नहुँदा समस्या भएको बताए । उनले भने,‘हामीले यस प्रतियोगिताको लागि राम्ररी तयारी पनि पाएनौं । हाम्रो सिनियर खेलाडीले अन्य प्रतियोगिता खेलिरहेका कारण आज समस्या भयो ।’

Previous articleभेरी अस्पतालमा राम्रो ब्यवहार नपाएको सिकलसेल एनिमिया विरामीको गुनासो
Next article६५ बर्ष माथिका २१ हजारले लगाए कोरोना विरुद्धको खोप

LEAVE A REPLY

Please enter your comment!
Please enter your name here